| 我們的第一個銀行盃冠軍 三個星期內連續打了兩個比賽，分別係中企盃和銀行盃，兩個比賽都係第一次打，結果中企盃亞軍，銀行盃冠軍。銀行盃星期六日連續兩日打晒，賽程緊密，星期六打到晚上十點幾，星期日9點開始打到7點，中間仲係無咩停過，真係打到散晒﹗但好開心可以見番好多年無見既波友、長輩、師兄。辛苦有回報的，我地四強勝中銀香港3:0，再勝東亞銀行3:2，終於得到我地第一個銀行盃冠軍。鬆一口氣，多謝Sina 每次比賽都黎睇我打，幫我地打氣，仲做埋我地既攝影師。 |
| |
| 明天再戰三門仔(3) 計劃行程
   中午12時許到達三門仔-->三門仔漁村內用餐(12:30pm)-->由鹽田仔出發(1:30pm)-->到達與馬屎相連的連島沙洲(2:00pm)-->環島地型考察後回程(3:15pm)-->返回三門仔, 開始掘蜆(3:45pm)-->開始潮漲, 點算收獲(6:00pm)-->骨煲王打邊爐(7:30pm)-->阿樂家中耍樂(10:00pm) 馬屎洲簡介︰
連島沙洲 馬屎洲原為一獨立小島，但近年，島上淺灘邊的貝殼及沙石隨水飄流，逐漸沉積於馬屎洲與鹽田仔間的淺水位置，最後終把兩地連接起來，地質上稱為「連島沙洲」。沿天然沙堤南岸東走，路徑全為貝類硬殼的碎片鋪成，蠔蛤蜆蚌盡於腳底，而沙堤盡頭不遠處，豎有特別地區的牌坊，在旁還有涼亭及特別地區簡介的指示牌，這裡標示著正式走進了馬屎洲的範圍。 
注意風險︰橫過連島沙洲須配合潮汐漲退時間, 島北面遇潮漲幾乎無路可行, 需攀石涉水. |
| |
| 表哥結婚大日子 辛勞工作了幾星期，真的很辛苦，工作...可以是一整天沒有停下來喝一口水，上一上廁所，晚晚9點...10點下班，日日如是，感覺真的很累，連24號平安夜都不能早點下班，很可憐。 終於到了12月31日，一年的最後一日，亦是我表哥成家立室的大日子，我好少羨慕人，今次我真係想講我非常非常羨慕，很替他高興。第一次做兄弟，雖然身心已被工作折磨得半死，但都不得不請一天假期，見證表哥人生重要的一刻。早上9時到達東涌，很開心可以參與每一個section的活動，很高興可以幫手出一點力。很完滿的一個婚禮，很好的一個經驗，祝您們新婚愉快﹗ 
兄弟與花仔
表弟你好型呀﹗
三表兄弟
表兄弟姊妹 + 媽媽 + 三姨
兄弟姊妹與新郎新娘合照(影相果個叫我地祝表哥金槍不倒@@)
|
| |
| 27/12/2008 Shopping Day 食完好味既雲南米線，去左行街買野，早幾日睇中左既一對白紫色Air Force終於買左啦﹗好抵呀﹗ 
26/12/2008 Boxing Day 去左Green Box 同同事唱K，個個都唱得好勁喎﹗之後去左荃灣公園影相，幾好玩﹗ 
25/12/2008 Family X'mas Party 一年一度Family Party，大家交換禮物。 
24/12/2008 平安夜 公司中午開了個小型party後繼續工作，做到8點先放工，放工後去左食大閘蟹，食左4大隻，正﹗ 22/12/2008 CityU X'mas party 放工後上左城大宿舍打邊爐，抽獎我抽到心心既朱古力，我已經食晒啦，實在太好味﹗ space reserved for pics |
| |
| 鴻星大閘蟹餐 轉眼又辛勞了一個星期，真係忙到氣都無得抖。星期五放工終於去鴻星食了個大閘蟹餐，兩皇一后既大閘蟹實在令我太滿足，好喜歡吃就是大閘蟹公獨有的透明膠質蟹膏﹗個餐真不錯，除了那三大隻大閘蟹，還有蟹粉小籠飽，生拆蟹粉生翅，鮑魚，上海口水豆腐及海底椰，食蟹再配埋兩柸花彫酒真一絕﹗食完飽到講唔到野﹗ 原築 La Grove 星期日，心郁郁走左去睇原築示範單位，新鴻基樓質素真係有保證，新鴻基呢個時候推出黎既樓真係抵，以呢個價錢買到呢類低密度式住宅可以話真係好吸引，相比起早前推出既Yoho Town真係無得比，而家賣淨得番6個盤，一手新樓，裝修家私全包，睇完之後好想擁有，心郁郁，好難決定，點好呀？   
|
| |
